لقيت نفسي بقوله و المصحف اسمي شنودة

شبكة مسلم M.N.N l
منقول للاهميه
==========
كنت بشتري سمك امبارح من سوق الزيتون و الراجل اللي بتعامل معاه على طول اسمه شنوده و مربي لحية خفيفة المهم
رحت لقيته ضااايع لا عارف يجمّع كلمتين على بعض و لا عارف يقف على حيله
بقوله : مالك ياشنوده و انا بضحك و بتريق
قالي : و الله يا مدام انا امبارح كنت معدي جنب مسيرة من بتوع الاخوان و شميت غاز لما اتعميت و لحد انهردة عيني عمالة تدمع و مش شايف كويس انا مش عارف مستحملين القرف ده ازاى
وانا ماشي قفشني امين شرطة ابن حرام قعد يضرب و يلطش فيا و يشتمنى و يشتم اهلى و يقولي يا اخوان يابن ال(...) و شتايم عيب اقولها قدام حضرتك
و انا مش عارف اتكلم و كل اللي طالع علي عمال اصرخ و اقوله انا اسمي شنودة يقولي اه ا كدابين يا ....... يا .......
اجي بأه علشان اطلع البطاقة مش شااااااااايف حاجة ..كل حاجة شايفها شبورة كده ملغبشة
و انا عايز اقنعه اني شنودة فعلا
لقيت نفسي بقوله و المصحف اسمي شنودة
و هو سمع المصحف من هنا و هاتك يا ضرب و جرجرة و بهدلة
فيييييين على ما فتشني و لقي البطاقة قالي يا رااااجل مش تقول من بدري و بعدين ايه الدقن ديه شيلها لحسن تشبهك
تعليق شنودة بأه :: و الانجيل يا مدام انا لو لسة بصحتى بعد البهدلة ديه لنزل مع الاخوان مظاهرات علشان اطلع (.....)أم الامين ده و اللي ضربونى معاه
نطالب بحقوق الاقليه المسلمه فى مصر

أنشر الموضوع ليعلم الناس الحقائق وكن أنت الآعلام البديل