شاركنا رأيك

شاركنا رأيك

لنفهم الاقتصاد ببساطه ... الناتج القومي ... الحلقه السادسه


JAWDA added 2 new photos.
January 19 at 7:00pm · 
 السيد محلب يكذب! جدا! و سنكشفه هنا
------------------------
غطينا في الحلقه السابقه الناتج القومي و ازاي نحسبه (المصدر الاول). و يبدو ان السيد ابراهيم محلب مقراش الكلام المكتوب. فاحنا قررنا ناخد كلامه و نحلله لانه الحقيقه أضحكنا و احنا متأكدين بعد ما تقروا المقاله دي حتضحكوا معانا.
البنك المركزي المصري أعلن ان الناتج القومي المصري زاد في الربع الثالث من عام ٢٠١٤ بمقدار ٦,٨٪ مقارنه بالربع الثالث من عام ٢٠١٣ (المصدر ٢). و طبعا السيد محلب راح و قائل ان ده دليل علي سياسات حكومته الرشيده و طبعا بسبب النمو الناتج عن اعمال حفر قناه السويس و ان عام ٢٠١٣ كان عام وحش (المصدر ٣ - و ملعوبة طبعا حكايه قناه السويس دي).
طيب فين الصح و فين الغلط؟
--------------------------
اول حاجه. كلام البنك المركزي صح. الاقتصاد فعلا نما في الربع الثالث من عام ٢٠١٤ بنسبه ٦,٨٪. طبعا السيد محلب قربها ٧٪. بس دي مش مشكله. (السيساويه طبعا مبسوطين جدا دلوقتي و ننصحهم ميكملوش المقاله لان بقيتها حتبين الكذب فين و احتمال يفهموا تبقي مشكله و هم مش عاوزين يفهموا).
امال فين الغلط؟
---------------
واحده واحده بقي عشان الناس دي بتكدب كدب محتاج متخصصين.
نرجع للحلقات اللي فاتت. قلنا فيها ان الناتج القومي له معادله و شرحنا المعادله بالتفاصيل. فاكرينها؟
الناتج القومي = قيمه السلع و الخدمات النهائيه اللي بتتباع في الاقتصاد كله + مصروفات الحكومه + الاستثمارات + الصادرات - الواردات.
طيب ناخد مثال بلد بالارقام:
البلد دي قيمه كل الحاجات النهائيه (لاحظ انها لازم تكون حاجه نهائيه يعني العيش مش القمح مثلا) اللي بتتباع فيها ٢٢٠ مليار. و الحكومه فيها بتصرف ٣١ مليار. و فيها استثمارات ٣٩ مليار (ناس بتبني بيوت. شركات بتبني مصانع. الخ. ). و بتستورد حاجات ب ٧٠ مليار و بتصدر ب ٥٠ مليار. البلد دي ايه الناتج القومي بتاعها؟
نحسبه:
الناتج القومي = ٢٢٠ + ٣١ + ٣٩ + ٥٠ - ٧٠
= ٢٧٠ مليار دولار.
طيب نفرض البلد دي جت السنه اللي بعدها و عملت نفس الحاجات اللي عملتها السنه دي نسخه بالكربون. يعني الناس اشترت نفس الحاجات بالضبط و استوردوا و صدروا نفس الحاجات بالضبط. يبقي كده الناتج القومي ما زادش خالص. مفيش نمو يعني.
طيب نفرض البلد دي زودت اسعار كل الحاجات النهائيه بمقدار ١١٪. بس نفس الحاجات اتباعت. يعني نفس العيش اتباع. نفس البطيخ. نفس الكوسه بالكيلو زي ما هي. يعني المواطن مش حيحس بان البلد اتحسنت. هوه بس يمكن مرتبه زاد ١١٪ بس اشتري نفس الكوسه و نفس العيش و نفس البطيخ. لو حصل كده ايه اللي حيحصل لمعادله الناتج القومي؟
الحاجات المتباعه زادت ١١٪. يعني بدل ٢٢٠ مليار بقت ٢٤٤ مليار. و نفرض مصاريف الحكومه ما زادتش و الاستيراد و التصدير زي ما هو. يبقي الناتج القومي حيزيد حيبقي كام؟
حيبقي ٢٤٤ + ٣١ + ٣٩ + ٥٠ - ٧٠
= ٢٩٤ مليار دولار.
يعني الناتج القومي زاد ٩٪ تقريبا من غير ما اي مواطن يحس انه مستواه اتحسن خالص.
طيب. البلد دي اسمها مصر بالضبط (المصدر ٤). الحقيقه الموقف في مصر اوحش شويه كمان. حنشوف ليه.
الناتج القومي الحقيقي و الناتج القومي الحسابي:
------------------------
عشان السبب ده الحقيقه خبراء الاقتصاد في العالم بيقولوا انه في الناتج القومي الحسابي (زي اللي بيعلنه البنك المركزي). و الناتج القومي الحقيقي. عشان تحسب الحقيقي بنفترض ان الاسعار تفضل زي ما هيه. و ده طبعا المقياس السليم للناتج القومي. و ساعات بيتقال عليه الناتج القومي الحقيقي و ساعات بنقول عليه الناتج القومي بحساب الاسعار الثابته (المصدر ٥).
مين بيطلع في مصر ارقام الناتج القومي الحقيقي؟ بتطلعها وزاره التخطيط لانها الوزاره اللي مخوله بقياس الاسعار. طبعا تاه في الزيطه ان وزاره التخطيط أعلنت ان الناتج القومي الحقيقي في مصر انخفض من ٤٠ مليار في الربع الثالث من عام ٢٠١٣ الي ٣٨ مليار في الربع الثالث من عام ٢٠١٤ (المصدر ٦). يا نهار ابيض. ده انخفاض ٥٪. يعني مع حساب زياده الاسعار الحركه الاقتصاديه الحقيقيه في مصر (عجله الانتاج) قلت.
عرفتم بقي ان دول ناس تكدب علي النبي. و انهم محتاجين خبرا قاعدين لهم.
طيب ليه حصل كده؟
------------------
اولا. التضخم في مصر في الربع الثالث من عام ٢٠١٤ كان ١١٪ تقريبا. المصدر ٧. و التضخم هو زياده الاسعار.
ثانيا. الحكومه زودت انفاقها (المصدر ٨). و دي حركه كل حكومه عاوزه تغش بتعملها. الحقيقه الحكومه زودت الانفاق من ٥٧ مليار في الربع الثالث عام ٢٠١٣ الي ٦٦ مليار في الربع الثالث عام ٢٠١٤. يعني زودت الانفاق ١٦٪ بحالهم. و طبعا ده جه من رفع الدعم و من زياده الاقتراض. و هو ده اللي مزعل الامارات لأنها عاوزه الحكومه تقلل الدعم بس تقلل الانفاق.
و علي فكره ده بعد ما في فتره د مرسي انفاق الحكومه كان قل لحد ٤٦ مليار في ربع السنه.
طيب ايه العيب في زياده الانفاق الحكومي؟ خد بالك القفزه الضخمه في الانفاق الحكومي بعد "انتخاب" السيسي. واضح طبعا انها عمليه رشوه. يعني وزع فلوس علي الناس و طبعا كلنا عارفين الرشوه دي رايح معظمها للاهل و العشيره الاصليه في مرتبات الجيش و الشرطه و القضاء، الخ.
ثالثا. و هي دي اسوء حاجه. ان الفارق بين الصادرات و الواردات بيزيد زيادات خرافيه. يعني في الربع الثالث عام ٢٠١٤ كان ١٢ مليار دولار! مع انه في فتره حكم د مرسي كلها كان العجز كله ١٢ مليار دولار! يعني في ربع واحد ازداد العجز في ميزان مصر التجاري بذات قيمه العجز في سنه د مرسي كلها. حيث تراجعت الصادرات و ارتفعت الواردات لأرقام قياسيه. يعني المصانع بتقفل و البلد بتستورد اكثر.
الحقيقه ان العجز ده زاد من ٨ مليار في الربع الثالث من عام ٢٠١٣ الي ١٢ مليار في الربع الثالث من عام ٢٠١٤ (المصدر ٩ و الصوره الثانيه).
يعني ضعف زياده الانفاق الحكومي اتبلعت في زياده الواردات!
يعني كل فلوس رفع الدعم و فلوس الاقتراض و السلف من الامارات و غيرها كل ده راح في المصانع اللي انقفلت و الواردات اللي زادت و اكثر. و ان الحقيقه ان النشاط الاقتصادي المصري الحقيقي كان بالسالب ٥٪.
عرفتم الناس دي بتكدب ازاي!
احترسوا من الكذابين. بس احنا وراهم.
٢- تقرير البنك المركزي عن اداء الاقتصاد المصري في الربع الثالث من عام ٢٠١٤:
http://www.tradingeconomics.com/egypt/gdp-growth
٤- مكونات الناتج القومي المصري:
http://mecometer.com/infograph…/…/gdp-composition-breakdown/
٥- الناتج القومي الحقيقي:
http://www.investopedia.com/terms/r/realgdp.asp
٦- أرقام الناتج القومي الحقيقي:
http://www.tradingeconomics.com/egypt/gdp-constant-prices
٨- بيانات الانفاق الحكومي المصري:
http://www.tradingeconomics.com/egypt/government-spending
٩- بيانات العجز المصري في التبادل التجاري:
نرحب دائماً بالنقاشات المجدية والتعليقات التي تغني موضوعاتها 
 ،أنشر الموضوع ليعلم الناس الحقائق وكن أنت الآعلام البديل
في

ليست هناك تعليقات:

إرسال تعليق

الاشتراك في: تعليقات الرسالة (Atom)