أمام مول سان استفانوا على البحر
دخلت البنك الأهلى لأطلع على حسابى ثم خرجت ووقفت أمام البنك أنتظر زوجتى وبناتى و كان يقف بجانبى ظابط شرطة مباحث بياخذ بطايق الناس إل بيشك فيهم .. تأخرجت زوجتى فذهبت إلى الطرف الآخر على الكورنيش أنتظرها حيث أنها قادمة بالسيارة ..
تأخرت زوجتى للزحام الشديد .. وفجأة وجدت رجال المباحث بجانبى ودار هذا الحوار:
حضرتك واقف بتعمل إيه بقالك مدة
كنت فى البنك ومنتظر زوجتى
اصل إنت كنت فى الجهة التانية وبعدين جيت هنا وقفت برده
مش فاهم
مش فاهم إيه حضرتك إحنا مباحث ورينى بطاقتك
أخرجت له البطاقة
إنت عندك حساب فى بنك إيه
الأهلى والعربى الأفريقى
ودخلتهم خلاص ولا لسه
دخلتهم وخلصت ومروح الآن
هى المدام فعلا جاية ولا
جاية إن شاء الله
طيب إحنا بنتكلم معاك شوية ونسليك لغاية ما المدام توصل
مفيش مشاكل تشرفوا ولو مكناش فى رمضان كنت عزمتكم على ترمس
لا شكرا
واضح كده إن المدام هاتتأخر تعال معانا نستناها سوى
ممكن أعرف ليه
هاتعرف متقلقش
وهممت أن أذهب معاهم فجاءت سيارة زوجتى فقلت لهم السيارة وصلت ودى زوجتى ودول بناتى ياترى صدقتم الآن .. نزلوا البنات وزوجتى من السيارة مفجوعين
نظروا رجال المباحث إلى وقالوا طيب يا باشا عموما خير وبالسلامة
(يعنى لو المدام إتأخرت ثوان كان زمانى فى العقرب )
الحمد لله
تحيا مصر
وتحيا الصين
دخلت البنك الأهلى لأطلع على حسابى ثم خرجت ووقفت أمام البنك أنتظر زوجتى وبناتى و كان يقف بجانبى ظابط شرطة مباحث بياخذ بطايق الناس إل بيشك فيهم .. تأخرجت زوجتى فذهبت إلى الطرف الآخر على الكورنيش أنتظرها حيث أنها قادمة بالسيارة ..
تأخرت زوجتى للزحام الشديد .. وفجأة وجدت رجال المباحث بجانبى ودار هذا الحوار:
حضرتك واقف بتعمل إيه بقالك مدة
كنت فى البنك ومنتظر زوجتى
اصل إنت كنت فى الجهة التانية وبعدين جيت هنا وقفت برده
مش فاهم
مش فاهم إيه حضرتك إحنا مباحث ورينى بطاقتك
أخرجت له البطاقة
إنت عندك حساب فى بنك إيه
الأهلى والعربى الأفريقى
ودخلتهم خلاص ولا لسه
دخلتهم وخلصت ومروح الآن
هى المدام فعلا جاية ولا
جاية إن شاء الله
طيب إحنا بنتكلم معاك شوية ونسليك لغاية ما المدام توصل
مفيش مشاكل تشرفوا ولو مكناش فى رمضان كنت عزمتكم على ترمس
لا شكرا
واضح كده إن المدام هاتتأخر تعال معانا نستناها سوى
ممكن أعرف ليه
هاتعرف متقلقش
وهممت أن أذهب معاهم فجاءت سيارة زوجتى فقلت لهم السيارة وصلت ودى زوجتى ودول بناتى ياترى صدقتم الآن .. نزلوا البنات وزوجتى من السيارة مفجوعين
نظروا رجال المباحث إلى وقالوا طيب يا باشا عموما خير وبالسلامة
(يعنى لو المدام إتأخرت ثوان كان زمانى فى العقرب )
الحمد لله
تحيا مصر
وتحيا الصين
نرحب دائماً بالنقاشات المجدية والتعليقات التي تغني موضوعاتها
،أنشر الموضوع ليعلم الناس الحقائق وكن أنت الآعلام البديل
ليست هناك تعليقات:
إرسال تعليق