Ahmed Ghanim
اللي عايش في أمريكا عارف حجم الاختلافات
الفكرية والمذهبية
والعتصرية اللي ممكن تحول أمريكا لجحيم حرب أهلية عنصرية في
ثانية..والكل مسلح..والرصاص بيتباع في السوبر
ماركت..لكن الشعب اتفق على طريقة واحدة بس للتغيير...طريقة ديمقراطية لتغيير
الحكام حتى ولو كان الحاكم ده كذب على الشعب زي كلينتون أو فاشل ودمر الاقتصاد زي
بوش أو وعد ومنفذش 10% من وعوده على أوباما ميتر زي أوباما..مافيش فلحوس في امريكا
قال "الديمقراطية مش صناديق بس ولو 30 مليون نزل الشارع نشيل أوباما"...
وأوباما نفسه اللي قال إن مرسي مااستوعبش الخصوم قال طز في
الجمهوريين المعارضين وفي الكونجرس وخططي همشيها بقرارات رئاسية وادى المعارضة
بالشلوت ومشروعه الصحي مشاه رغم إن قطاع كبير من الأمريكيين ضده وماحدش قال يالا
نشيل أوباما..لإن الأمريكان عارفين إن لو لم تحترم الصناديق سيكون البديل هو
السلاح..
وعشان كده اتنبح صوتنا وقلنا اصبروا على مرسي ويمشي
بالصندوق في آخر الأربع سنين بتوعه بدل ما البلد تخش في دوامة عنف..ولو مستعجلين
خدوا أغلبية في مجلس الشعب والدستور بيسمح بإقالة مرسي من مجلس الشعب..ويبقى ضربنا
مثل في اثالة رئيس يطريقة دستورية وماحدش له حجة واللي كان يناصر مرسي ساعتها كان
يبقى عدو للديمقراطية.
طبعا السيسي كان مستعجل وبيظبط لبوم 30 يونيو من فترة وضرب
الصناديق عرض الحائط ودخل البلد في دوامة عنف وعنف مضاد لن يتوقف قريبا لإن الدم
ما بيجيبش غير دم..
واللي قاكرين إن القضاء على الإخوان هيوقف الدم يبقى
يقابلوني..لإن حتى لو قضيت على عشرات الآلاف من الشباب الإخواني وبعديهم آلاف
الشباب الثوري هيفضلك قطاعات من القوى في البلد عاوزه مصالحها المادية... وآجلا أو
عاجلا هيخبطوا في عصابة السيسي اللي أكيد مصالحهم هتكون مختلفة...وطالما الجميع
عارف إن الصناديق لعبة هيكون الحل هو السلاح أو انقلاب على انقلاب على
انقلاب...وتابع تاريخ الانقلابات في العالم هتلاقي إن شركاء الانقلاب بعد ما
بيخلصوا على الرئيس الشرعي وأعوانه بينقلبوا على بعض..
عشان كده قلنا ديمقراطية واحترام صناديق..لإن البديل هو إن
اللي معاه سلاح يغلب..وعلى فكرة ماحدش هيعرف يغلب الاسلاميين في معركة
السلاح..أمريكا يكل جيوشها ماعرفتش تغليهم لا في جبال أفغانستان ولا في أودية
العراق..وكلها عشر سنين بالكتير والدول العربية اللي كانت خايفة من الإخوان هتكون
محكومة يتنظيمات أكثر تشددا من القاعدة..ولو كنت فاكر إن جيوش المكرونة هتقف
قدامهم يبقا أنت لا تفهم لا جغرافيا ولا تاريخ..وحتى لو عرفوا هيكون على حساب مقتل
عشرات الآلاف زي ما حصل في الجزائر...وبعد ما صدقنا إن الاسلاميين ارتضوا حكم
الصتاديق...قلنا لأ...السلاخ يغلب...
عشان كده اللي عاوز ينقذ المنطقة بجد وعاوز دولة المسيحي
يعيش فيها مع المسلم مع البهائي مع الشيعي ويحكمهم التنافس السياسي زي أمريكا من
حلال الصندوق ويشكل ثقافة البلد التدافع المجتمعي والفكري السلمي لازم يعترف إن
الانقلاب ده غلطة تاريخية كبرى وضياع لآخر فرصة للتعايش في المنطقة اللي على وشط
الانقجار..اللهم قد بلغت..اللهم فاشهد
ليست هناك تعليقات:
إرسال تعليق