تعالى بقى يابن بلدى لما اعرفك الحوادث دى بتم ازاى فى السياحه علشان تبقى واخد بالك دا من ناحبه ومن ناحبه تانبه علشان ابقى خلصت ضميرى امام ربنا وامام الوطن فيما يخص حقك عليا فى معرفه المشكله واسبابها وبالتالى نعرف نحلها
الصرعه على الفلوس لما يبقى سواق سياحه مسافر طول الليل ويجيلوا شغل تانى يوم وهوه لا خد راحه ولا نام وشغل يعنى فلوس والفلوس مش مضمونه فى المنظومه السياحيه الحاليه .. تفتكر السواق يطلع الشغل ولا يسيبه ؟؟؟ طب لو انت مكانه تعمل ايه ؟؟؟؟ الصرعه على الفلوس والخوف من المستقبل وعدم تأمين المستقبل بيخلى سواقين ينزلوا شغل و"يطبقوا" يعنى يتشتغلوا ضعف الشغل المفروض
ساكالانس
ساكالانس فى عرف سواقين السياحه يعنى يشرب شاى مع قهوه مع بعض علشان يفوق ويقدر يكمل ... المفروض ان المشروب ساكالانس بيسمح للسواق انه يبقى فايق وطبعا مش عايز اقولك ايه تأثير السكالانس على حوادث العربات السياحيه ولا على الارواح اللى بتضيع ولا على السياحه المصريه ككل
بصفتى مرشد سياحى مصرى عملت زيارات لمعبد ابو سمبل والذى يقع على بعد
280 كيلو متر من اسوان مش عايز اقولك كام مره كنت شاهد على حوادث على الطريق المؤدى الى ابو سمبل لدرجه انى لما كنت باروح هناك كان اهتمامى الاكبر خلال المشوار الى ابو سمبل كان بالسائق وليس بالسياح وخصوصا واحنا رايحيين ليلا لابو سمبل لان المعبد بيتزار مع شروق الشمس صباحا
اذكر فى مره من المرات ان كنا مجموعه من المرشدين وقررنا نطلع الصعيد وسافرنا الصعيد باتوبيس سياحه وبسواق سياحه طبعا ويعلم الله ان فى الطريق الى اسوان الصحرواى كان السواق نايم تماما ولانى كنت من اكبر المرشدين سنا واعى تماما ما يعانيه سواق السياحه المصرى فقد ذهبت الى الامام فى الاتوبيس وجلست بجانب السواق وتحاورنا وقمت بذالك عن عمد والسبب بسيط الراجل شوفته نايم "بعينى" والسبب السواقه فى الصحراء كالمغناطيس خط اسو بين مساحتين صفر ينيموا اللى ما ينامش مش بس كدا والراجل مش واخد كفايته من النوم
اه فيه حاجه كمان مهمه جدا ومفروض انكم تعرفوها وهى ان الكرسيين الى ورا سائق الاتوبيس السياحى الكبير مفروض انهم يكونوا فاضيين او على الاقل من بهم يكونوا من العاملين فى السياحه غالبا ماحدش بيسمع الكلام دا وبيجلس خلف السائق سواح بيتكلموا وبتيحدثوا وبيضحكوا و دا كفيل بانه يشتتت انتباه
حقك عليا يابن بلدى انك تعرف حقيقه الاوضاع ... تتحل ما تتحلش انا كمرشد سياحى مصرى بقولك المنظومه السياحيه المصريه فاسده مصروعه على الفلوس لا تنظر الا تحت قدميها
ودا جانب من جوانب فساد السياحه المصريه
احمد خليل
مرشد شياحى مصرى
نرحب دائماً بالنقاشات المجدية والتعليقات التي تغني موضوعاتها
،
أنشر الموضوع ليعلم الناس الحقائق وكن أنت الآعلام البديل
ليست هناك تعليقات:
إرسال تعليق