فن البيع

Isaad Hassan shared Saad Mohamed's post.

8 mins · 

Saad Mohamed feeling excited.

13 hrs · 

الحمد لله خلصت قرايه كتاب
Ultimate selling power

ودي بعض ال notes اللي عجبتني

- البيع انك متبيعش بمعني انك تقدم فايده للي قدامك فعلا مش تحسسه انك عاوز تلبسه وخلاص .

- فيه حاجه اسمها body language mirroring وهيا انك بتبقا مرايه للغه الجسد بتاع اللي قدامك يعني بتعمل زي اللي بيعمل بس بلاش تسف وتحسيه انك بتقلده دي بتخليه عقله الاواعي يثق فيك بسرعه

- صاحب الزبون ولا تلبسه .. يعني جالك المحل ولقيته تعبان قله الف سلامه انا جالي الدور دا من زمان وخدت علاج ...... صاااااحبه

- ركز علي benefits وقلل من features يعني اتكلم وقول فوايد كريم البشره دا ولا تقول خصائصه يعني بيتكون من ماده بيتا هيدروكسي بتنجان

- بيقولك اي بني ادم ف الدنيا عنده حاجات بتتحكم في حياته زي ال Wealth انه يكون غني جدا وانه يحس بالامان سواء الامان نفسي او مع مراته او مع عياله ..
يعني العب ع ان المنتج هيزود دخله .. الكريديت كارد دي هياخد قرض يخلي ولاده يدخلوا كليات خاصه الخ الخ ...

- الابتسامه ومتخليش شكلك شبه غبي منه فيه ... فيه حاجه اسمها warm smile

- لو مبتعرفش تبتسم في وشوش خلق الله متشتغلش في السيلز

- خوف اللي قدامك حسسه انه هيخسر جاامد لو مشتراش

- اتك ع الالفاظ بدل ماتقول انت هتبقا سعيد قوله انت هتبقا سااااعيييييد اد اي وافتح ايدك الاتنين

- خليه يتخيل .. كل مايتخيل اكتر حاجات ايجابيه كل ما فرصته في الشرا هتزيد

- اوعي تنطق كلمه لا ولو سألك سؤال والمفروض تجاوب بلا قوله ممكن

- لو محل ملابس ومفيش النوع اللي الزبون عايزه متقولوش مفيش لا خليك ناصح وقوله ثواني انا لازم ادور في المخزن والاقيه لحضرتك ...

- لو صاحب المحل قالك بيع ب ١٠٠ قول للزبون الطقم دا بيتباع ب ٢٠٠ وعليه خصم ٥٠٪ نزل ل ١٠٠ ج بسسسس

- خد رأي الزبون

- ساعده في الاختيار

- نبره صوتك لازم تكون في نبره صوته يعني ميبقاش صوته ال tone بتاعته واطيه وانت صوتك اعلي منه

- حسسه انه المنتح دا هيساعده جداا .. شغال في صيدليه وجانلك وتحده عاوزه كريم للبشره قولها انا جتلي ناس كتير بتشتكي من الموضوع دا بجد وواحده بتقولي انا مضايقه الناس بتبص لبشتري وهيا غامه مسببه ليا ازمه

- الناس اللي بتتحرج احلي ناس تحرجها عشان تلبسها ( دي من عندي )

- اعتراض الزبون ع المنتج معناه حاجه من تلاته
قصدك يقولك مش عاوزه يعم لاااا
او يقولك انا عاوزه بس متردد قولي تاني
او انا اه عاوزه بس لو لحيت عليا مره كمان

- اول مايعترض ع السعر هاتله اي نوع تاني من نفسي المنتج بس سعره رخيص ووحط عقله في مقارنه

- بعد ماتقول سعرك قوله دا ب $$ بسسسسسسسس

- اعرف انك الزبون لازم يحط مشاكل وانت لو محلتهاش مش هتبيع ( تفاااوض )

- لو زبونك واحده ست وانت خرجتها من المحل منشكحه اقسم بالله هتقول لصاحبتها عليك

- اهتم بالستات واهتم بالتفاصيل معاهم
- الست لو حطتلك مشكله متعملش فيها عريف وتروح تقدم حل اسمعها للاخر وحط حلك في الاخر

- اسأله اسأله تكون اجابتها yes
زي اكيد مش اول مره حضرتك تشتري فيها ؟
اسأله من النوعيه دي

- انهي كلامك ب سعيد جدا بخدمه حضرتك مع ابتسامتك اللذيذه

- الناس ٤ اشكال analytical ودا شخص تلاقيه بيحب التفاصيل اووي وتلاقيه زعلان فرحان منبهر مفيش حاجه بتبان علي وشه ... دا خش عليه باللوجيك

تاني حد هوا expressive شخص صوته عالي بيقاطعك بينبهر بسرعه وبيغضب بسرعه وتلاقيه عنده طاقه كبيره هتلاقيه بيتحرك كتير كدا مش ثابت دا ادخل عليه باانك تبهره دي انت وخبرتك بقا .. هتلاقيه نفس طريقه مرتضي منصور

تالت حد هوا ال driver تلاقيه عمال يديك قرارات كتيره ومدوخك في المحل خليك معاه ومتزهقش منه ولاتبين انك مخنوق

رابع حد وهوا amiable شخص برنس مبيحبش يزعل حد وهادي وعاطفي وتحسه حد لذوووذ رومانسي دا خش عليه بنبره رومانسيه وحسسه انك زعلت اووي انه مش عاوز يشتري .. دا هتلاقيه عماد اديب اخو عمرو اديب

دي بعض الملاحظات مش كلها في الكتاب وفي منهم انا اللي مزوده من عندي

لو عجبك البوست اعمل شير

‫#‏سعد‬

نرحب دائماً بالنقاشات المجدية والتعليقات التي تغني موضوعاتها
 ،أنشر الموضوع ليعلم الناس الحقائق وكن أنت الآعلام البديل