نداء الي القلوب الرحيمه مرضي القلب يحتاجونكم علي الاقل يجب قراءه المقال و عمل شير له ان كنت لاتستطيع المساعده الماليه ساعد بنشر الخبر

Hammaam Hammaam shared his post.

7 hrs · Edited · 

الفلوس اللي لميناها لشراء المؤكسدات، ساعدت في عمل عمليات القلب المفتوح لحوالي 31 حالة وإنقاذ حياتهم والحمد لله. بس للأسف المؤكسدات خلصت تاني، ولسه الحكومة ماوفرتهاش، والعمليات متوقفة في القصر العيني القديم بقالها أسبوع  وطبعا المرضى على قوائم الإنتظار مهددين بالوفاة في أي لحظة، أو على الأقل بانخفاض نسبة نجاح العملية لو اتعملت متأخرة.
اللي يحب يتبرع، ممكن أوصّل تبرعه للصديق اللي هيشتري الأجهزة إن شاء الله.
تفاصيل أكتر موجودة في البوست اللي تحت.
جزاكم الله خيرا

Hammaam Hammaam

التبرع لتعويض نقص جهاز ضروري لجراحات القلب المفتوح بالقصر العيني، نقصه قد يتسبب في وفاة مرضى منتظرين:
الرسالتين اللي تحت من صديق دراسة وعمل موثوق. والرسالة اللي بعدهم من صديقه. طبعا الكلام اللي تحت مسئولية الحكومة مش أهل الخير، بس لو اعتمدنا على كده، كذا واحد هيموت لحد ما الحكومة تتحرك. واللي يحب يتبرع، ممكن أوصّل تبرعه للصديق ده إن شاء الله. والتبرع ممكن يكون بأي مبلغ مهما كان صغير، يعني مش مرتبط بقيمة الجهاز. أرجو النشر. وجزاكم الله خيرا.

الرسالة الأولى:

1. صديقي العزيز جراح قلب في مستشفى القصر العيني
كلمني النهاردة وقال لي ان في حاجة اسمها "مؤكسد دم"
بيستخدم في جراحات القلب المفتوح، وكل مريض بيحتاج منّه واحد اثناء العملية بعد كده بيترمي

2. البتاع ده خلص من القصر العيني، وكانت النتيجة ان الدكاترة بقوا بيلموا من بعض ويشتروه للمرضى عشان ينقذوا حياة ناس هاتموت لو ماعملتش الجراحة بسرعة
ولكنّهم مش ملاحقين
والوضع حالياً ان بدل ما كان القصر العيني بيعمل 3 جراحات قلب مفتوح في اليوم
بقى بيعمل واحدة بس كل يومين والباقي يتأجّل بالشهور (لو فضل عايش)

3. البتاع ده تمن الواحد منّه حوالي الفين جنيه، المفروض انّي هاقابل مورّد كمان ساعة كده، واقعد افاصل معاه واجيب آخره في السعر هانشتري كمّية
ولكن احنا محتاجين نلم حوالي 200 الف جنيه مثلا، عشان نجيب بيهم حوالي 100 واحد، يكفّوا القصر العيني في حدود شهر، على ما ربنا يفرجها من عنده

4. احب جداً ان ناس كتير من المساهمين ييجوا معايا واحنا بنشتري الحاجة وواحنا بنسلمها للمستشفى... واحب جداً ان حد يقول لي انّه عايز ايصال التبرّع بأسمه... وأحب جدا جدا جدا ان حد يقول لي ان ليه سكّة نشتري البتاع ده ارخص من السكّة اللي عندي

محتاجين نتحرّك بسرعة جداً
عشان دي ارواح ناس

الرسالة الثانية:

هام جدا

بالنسبة لموضوع ال
Oxygenator
علمنا ان احسن ماركة في مصر اسمها
Maquet
وبعد فصال طويل وصلنا لسعر
1780
بشرط اننا ناخد كمية

حاليا ماعيش غير 25 الف
محتاجين نوصلهم ل100 مثلا عشان الكلام يبقى مجزي

والموضوع مستعجل جدا لإن في حالات جالها فشل في القلب بالفعل من نقص البتاع ده

ودي رسالة جراح القلب المذكور (صديق صديقي):

شكرآ ليكم جميعآ ع الاهتمام
بس توضيح الصورة مهم جدآ : عندي مريضه عندها قصور شديد ف الشرايين التاجيه ومحتاجه تدخل عاجل من شهور راحت أماكن جراحة القلب المجانيه خلال آخر ٦شهور وش لاقيه مكان علشان زحمة المرضي فيما يخص جراحة القلب والسبب طبعآ النقص الشدييييييييدددد في الأدوات الجراحية الأساسيه ف جراحة القلب وقوائم الانتظار وصلت ٦شهور وأكثر مع قلة معدل الجراحات اليوميه وكانت النتيجه إننا بقينا بنعتمد علي الدعم الذاتي وشويه ع العيان وأهل الخير حتي اصبح الحِمل لا يُطاق رجوعآ للمريضه اللي بحكي عنها عضلة القلب
تأثرت جدآ وحدثت جلطه وأكثر وهي لا تملك المال لتساعد نفسها وأصبحت مخاطرة العملية تصل إلي ٥٠٪ وفاه ( الطبيعي المخاطرة ٥٪ : ٣٪ ) وحاجه محبطه جدآ إني أشوف مريض محتاج مساعده علي أمل الشفاء بإذن الله ومش قادرين نعالجه ،،، ربنا يجعلنا سبب في فك الكرب عن هؤلاء المرضى

نرحب دائماً بالنقاشات المجدية والتعليقات التي تغني موضوعاتها ،أنشر الموضوع ليعلم الناس الحقائق وكن أنت الآعلام البديل