احمد عيسوى
تحطيم أسطورة مصر_مقبرة_الغزاة ..!
هل تعلم أخي المسكين حامل الجنسية المصرية أن:
* الهكسوس احتلوا مصر حوالى 246 سنة
* الاشوريين احتلوا مصر 16 سنة
الفرس احتلوا مصر 80 سنة
*الفرس رجعوا احتلوا مصر تيك اواى كده 11 سنةو على فكرة مش احنا اللى خرجناهم من مصر لا ده اليونانيين جم طلعوهم و قعدوا هما و احنا قاعدين نتفرج
* اليونانيين احتلوا مصر بقيادة الاسكندر الاكبر سنتين
* البطالمة اللى هما يونانيين برضه كملوا احتلالنا لمدة 300 سنة وعلى فكرة بعد الــ 300 سنة احتلال اوعى تفتكر ان احنا اللى طلعناهم لالالالالا ابسلوتلى ده الرومان بقيادة اوكتافيوس هما اللى جم طلعوهم و قعدوا مكانهم و احنا قاعدبن نتفرج
* الرومان احتلوا مصر 360 سنة وطبعا عاشوا فيها و تاجروا و واتجوزوا وماتوا واتدفنوا فى مصر مقبرة الغزاة وبرضه بعد الــ 360 سنة دول كلهم اوعى تفتكر ان شعب مصر العظيم صحى من النوم ده عند امه يا ادهم ده البيزنطيين هما اللى جم طلعوهم واحتلونا مكانهم
* البيزنطيين احتلوا مصر 310 سنة وبرضه بعد الــ 310 سنة دول كلهم اوعى تفتكر ان شعب مصر العظيم صحى من النوم لا برضه ده الفتح الاسلامى هو اللى جه طلعهم يعنى برضه مش المصريين اللى طلعوهم
* يعنى مصر قعدت 983 سنة تتفرج على الدول اللى تيجى تحتلها و يحاربوا بعض و ده ييجى مكان ده و احنا قاعدين نقزقز لب و سودانى و نتفرج على بلدنا و هى بتتفشخ من كل الجنسيات اللى فى العالم
يعنى كنت تروح اى بلد تلاقى فيها موقف بيحمل اى حد عايز يروح يحتل مصر
* ده غير بقى ان احنا البلد الوحيدة اللى حكمها العبيد 300 سنة و عبيد من كل حتة فى العالم باسم دولة المماليك ده غير انهم قعدوا 700 سنة العبيد هم قادة الجيش و امراء و وزراء و احنا قاعدين نتفرج
*الفرنسيين جم احتلوا مصر 3 سنين
*الانجليز احتلونا 72 سنة
وفى الاخر يقولك مصر مقبرة الغزاة ... طب ازاى ياولاد الو #@%^%$
هى فعلا مقبرة الغزاه لان الغزاه كانوا بيجوا يقعدوا فيها لحد ما يموتوا هما وولادهم واحفادهم
تنويه هام: «مقالات الرأي والتعليقات» المنشورة تعبر عن وجهة نظر أصحابها فقط
أنشر الموضوع ليعلم الناس الحقائق وكن أنت الآعلام البديل
ليست هناك تعليقات:
إرسال تعليق