----------------------------------
نصل للحلقه ٢٢ من سلسله دحض الأساطير المهيمنة علي العقل المصري و التي لا أساس لها. يقول البعض: ميزانيه الجيش لازم تبقي سريه. و انت يعني عاوز تعرف ميزانيه الجيش ليه.
الاجابه سهله جدا. انا عاوز اعرف ميزانيه الجيش لآني انا اللي بأصرف علي الجيش مش هوه اللي بيصرف عليا. الدوله بتاخد مني ضرائب انا بادفعها علي دائر المليم. و بعدين تدي من الضرائب دي ميزانيه للجيش. لذلك من حقي كمواطن و من حق ممثلي الشعب ان يراقبوا كيف ينفق الجيش هذه الميزانيه و هل ينفقها في الأوجه السليمه ام لا. مش يقولك الجيش بيتبرع للدوله!
و بالنسبه للسريه: ادي يا سيدي الفاضل ميزانيه وزاره الدفاع في امريكا طولها ١٦٨ صفحه تصدر بقانون من الكونجرس بعد مراجعات و محاسبات و يجيبوا كل الضباط يشهدوا قدام الكونجرس كل يوم و يذلوا فيهم لحد ما الكونجرس يعتمد ميزانيه الجيش الامريكي.
و ادي ميزانيه الجيش الامريكي كامله أهي ١٦٨ صفحه فيها كل أداره و كل قطاع و حيصرف الفلوس في ايه بالضبط:
http://www.gpo.gov/fdsys/pkg/BILLS-113hr2397rfs/pdf/BILLS-113hr2397rfs.pdf
http://www.gpo.gov/fdsys/pkg/BILLS-113hr2397rfs/pdf/BILLS-113hr2397rfs.pdf
طبعا في جزء سري محدود للميزانيه يناقشه نواب الشعب في جلسه مغلقه و سريه. السؤال هو ليه الجيش المصري أصر علي انه يخبئ الميزانيه عن الشعب و نوابه؟
الأساطير السابقه:
----------------
https://www.facebook.com/media/set/?set=a.640455302691353.1073741865.524906364246248&type=3
----------------
https://www.facebook.com/media/set/?set=a.640455302691353.1073741865.524906364246248&type=3
أنشر الموضوع ليعلم الناس الحقائق وكن أنت الآعلام البديل
ليست هناك تعليقات:
إرسال تعليق