أخيرا اتعسني الحظ وانتهيت من قراءة الموازنة العامة للدولة ، ولهواة الاختصار بدلا من قراءة 173 ورقة تقدر تقرأ الاستاتوس دي وأسيبك انت بقي تتدبر فيها براحتك ..
في الوقت اللي بيقول فيه مفيش ماعنديش ، اجيبلكم منين ، انا مش قادر اديك ، مش قادر مشمشعايز ، هتاكلوا مصر يعني ؟
تعالوا نتطلع سوا على (بعض) البنود اللي تم تخفيضها .. والبنود اللي تم زيادتها ..
- تخفيض دعم الصعيد من 600 مليون إلي 200 مليون
- تخفيض دعم الادوية وألبان الأطفال من 655 مليون إلي 300 مليون “ده ان لقيت اللبن ابو بودرة سيراميك المدعم ده اساسا” ..
- تخفيض دعم اسكان محدودي الدخل من 300 مليون إلي 150 مليون
- تخفيض دعم المناطق الصناعية من 3 مليار إلي 400 مليون “أكتوبر ودمياط هيتنفخوا” ..
- تخفيض دعم البوتاجاز من 23 مليار إلي 19 مليار
- تخفيض دعم المرأة المعيلة من 120 مليون إلي 104 مليون ..
- زيادة الضرائب من 287 مليار إلي 364 مليار ..
- تخفيض دعم الطاقة من 134.3 مليار إلي 91 مليار ..
في المقابل تم زيادة البنود الاّتية ..
- زيادة بدلات الانتقال الحكومي من 157 الى 175 مليون
- زيادة مصروفات الحكومة في البريد والاتصالات من 242 الى 912 مليون
- زيادة مخصصات وكالة الشرق الاوسط للأنباء “ألوكالة الرسمية” و الشركة القومية للتوزيع و زيادة بند مكافأة نهاية الخدمة للعاملين فى المؤسسات الصحفية من 116 مليون إلي 289 مليون
- زيادة موازنة الجيش من 38 مليار إلي 49 مليار ..
عارفين قمة الكوميديا ايه ؟ مش كل اللي فوق ده
قمة الكوميديا بجد ان فى الصفحة الـ 5 في مقدمة الموازنة المقدمة من هاني دميان وزير المالية لرئيس الوسية عبد الفتاح الجيصي ..
هاني دميان كاتب الاية دي ..
بسم الله الرحمن الرحيم “إن أريد إلا الإصلاح ما استطعت و ما توفيقي إلا بالله عليه توكلت و إليه أنيب” صدق الله العظيم
اه والنعمة زي ما انت قريت كده ..
اللهم قوي إيمانك يا شيخ دميان
رابط تحميل الموازنة العامة للدولة 2014/2015
http://goo.gl/5sjdaT
مصدر المقاله :
أنشر الموضوع ليعلم الناس الحقائق وكن أنت الآعلام البديل
ليست هناك تعليقات:
إرسال تعليق