دعوات النزول ضد السيسي هل هي صحيحه

JAWDA added a new photo to the album: ‎الدروس و الأمثال من جميع أنحاء العالم‎.

Sponsored · 

رأي جوده في دعوات النزول ضد السيسي غداً الجمعه
-----------------
كانت جوده و ستظل دوما مع اي تحرك ضد الطاغيه. كل حركه بنعملها بتهزهم. لأنهم خايفين مننا. و عارفين ان ملهمش شرعيه زي الحرامي بالضبط. علي طول الحرامي بيبص وراه. احنا نجحنا ان السيسي مش عارف يتكلم في المستقبل. مش عارف يأسس لشرعيته. كل خطاب ليه يطلع يقول احداث ٣٠ يونيو. بالضبط زي الحرامي علي راسه بطحه. كل تنازلاته مع العالم عشان العالم يعترف بيه. احنا نجحنا في هدم نفسيته. شرحنا قبل كده ان في البرازيل و الأرجنتين و بولندا و غانا و غيرها، كل يوم كانت الديمقراطيه بتكسب حاجه و لو صغيره. مظاهره من ١٦ واحد. مش مشكله. وقفه و بعدها الناس تجري من البوليس. وقفه علي سلم النقابات. كل ده بيهزهم. و بمرور الوقت بيتفتتوا. و بعدين تيجي ضربه اكبر في وقتها تخلص عليهم لما تبقي كل الظروف متاحه.

الضربه الأخيره دي مش لازم تبقي بكره. مش لازم (مصدر ١). لكن كل حركه بنعملها بتفتتهم و بتفكرهم قد ايه هم ضعفا.

و علي فكره الحركه بتخلي النظام يتخانق مع بعضه. لان جوه النظام حتلاقي ناس تقول اضرب و استخدم اقصي درجات القوه. و جوه النظام برضه ناس حتقول احنا العالم مقلوب ضدنا و إيطاليا سحبت السفير. مش لازم تزودها. الخلافات دي بتضعف النظام بالضبط زي ما حصل في كل امريكا اللاتينيه (مصدر ٢). و بتخليه فاضل له ضربه واحده و يقع. كمان بتخليه يبان مهزوز قدام داعميه و هوه مصدر وجوده الوحيد قدامهم انه مسيطر علي الوضع في مصر عشان يمنع قوارب الهجره عنهم زي ما هوه قال بلسانه للصحف الإيطاليه (مصدر ٣).

بالنسبه للي بيقولوا انا مش نازل عشان الاخوان قالوا انهم نازلين. انت نازل و ايه نيتك؟ هل نيتك الاخوان و لا نيتك إنقاذ البلد دي و إنقاذ مستقبل اولادك و بناتك من حاكم مجنون بيودينا كلنا في داهيه؟ ايه نيتك؟ لو نيتك الاخوان، اقعد في البيت و أتأكد تماماً لما تقابل أحفادك بعد ٢٠ سنه و يسألوك ليه يا جدو او يا جدتي مصر مش زي زامبيا مع انها سنه ٢٠١٦ كانت مصر اغني من زامبيا، أتأكد انك تقولهم انك انت السبب. لانك قررت ان هدفك مش بلدك. و اوعي تقولهم انك حاولت. لانك في الحقيقه ما حاولتش و معملتش حاجه. انت قررت تقعد في البيت. تمام.

و لو انت متدين مسلم او مسيحي و قابلت الشهدا في الاخره سواء في ماسبيرو او محمد محمود و سألوك عملت ايه عشان حقهم اوعي تقول انك حاولت تجيب حقهم. لانك محاولتش.

كمان لو قابلت اجدادك في الاخره و سألوك انت اخدت مصر و كانت كبيره و عظيمه و محترمه و سلمتها لولادك و ناقصها جزر و نيل و غاز و بحر متوسط، اوعي تقول لهم انك دافعت عن ارض مصر. مش حينفع تكدب.

كمان لو قابلت الجندي المصري اللي حارب و مات في سينا في حرب ٧٣ و سألك عن سينا، اوعي تقوله انك دافعت عنها او حاولت تخليها زي ما هو سلمهالك. او حتي تكبرها. لا. انت بعتها و وافقت علي بيعها. و كمان طردت اهلها و وافقت علي كده عشان ترضي اسرائيل عشان يفضل يحكمك ديكتاتور طاغيه مجنون متعاون مع اسرائيل. اسوء سبب و اسوء تبرير.

و علي فكره احنا كمان بنقول للي نازل خد حذرك. احنا عاوزينك عايش. احنا عاوزين بس نفتت النظام ده و نحتفل مع بعض بمصر اللي احنا عاوزينها كلنا.

‫#‏ارحل‬
‫#‏كسر_الانقلاب‬

المصادر:
--------
١- شروط سقوط السيسي:
https://jawdablog.org/…/how_to_topple_the_coup_by_21st_cen…/

٢- التحول الديمقراطي في امريكا اللاتينيه:
https://jawdablog.org/…/%D8%A7%D9%84%D8%AD%D9%83%D9%85-%D8…/

٣- حديث السيسي للصحف الإيطاليه:
http://www.repubblica.it/…/al_sisi_my_promise_to_regeni_fa…/

نرحب دائماً بالنقاشات المجدية والتعليقات التي تغني موضوعاتها ،

أنشر الموضوع ليعلم الناس الحقائق وكن أنت الآعلام البديل