معلومة عن جزيرتى تيران وصنافير.

Osama Gadallah and ‎نهى طه‎ shared Yasser Negm's post.

Yasser Negm

20 hrs · 

12 معلومة عن جزيرتى تيران وصنافير..ورقم 13 السؤال الأهم..
_______________________________________________

1- الجزيرتين دول لهم أهميتين..
أولا: أهمية استراتيجية مهولة...وهى اللى باينة فى الصورة قدامك دي..
باختصار..اللى يسيطر على الجزيرتين دول يقدر بمنتهى السهولة يخنق اسرائيل ويمنع الملاحة عنها من الجنوب...
وده اللى عملته مصر فى 1967 لما قفلت المضيق..وكان سبب مباشر فوري لإندلاع الحرب..
حسب التعبير الإسرائيلي: 3 عساكر ببنادقهم يقدروا يخنقوا اسرائيل..خصوصاً من جزيرة تيران..
ثانياً:..ودى معلومة حديثة..انه تم اكتشاف موارد بترول وغاز كبيرة قرب الجزيرتين...

2- الجزيرتين عليهم نزاع بين مصر والسعودية من ساعة تأسيس الدولة السعودية..
وفى ظل الصراع العربي الإسرائيلي...قررت السعودية أيام الملك فاروق التنازل عن مطالبتها لمصر بالجزيرتين..وسمحت للجيش المصرى باستخدامهم...

3- احتلت اسرائيل الجزيرتين 3 مرات..مرة فى حرب 56..ومرة فى حرب 67..ومرة تالتة بعد حرب 67 بشهرين..وفضلت محتلاهم لحد اتفاقية السلام مع مصر..

4- نصت اتفاقية السلام على ان الجزيرتين تبع المنطقة ج..اللى مش مسموح للجيش المصري بالتواجد فيها حفاظا على أمن الممر الملاحي وبالتالى أمن اسرائيل..
وبالتالى الجيش الوحيد الموجود هناك هو قوات السلام الدولية..ومش مسموح لأى سفن من أى جنسية بما فيها المصرية أو السعودية انها تقرب من الجزيرتين الا بعد استئذان القوات الدولية...

5- مصر ريحت دماغها من موضوع السيادة على الجزيرتين ده من أيام مبارك وحولتهم لمحميات طبيعية..

6- فيه اهتمام ايراني بالغ بالجزيرتين..وايران بتدعى ان الجزيرتين مازلتا تحت الإحتلال الإسرائيلي..
وانها عايزة تحررهم من الإحتلال الإسرائيلي..وحسن نصر الله بيذكر الموضوع ده كتير في خطبه..

7- السعودية صعدت من جديد مسألة تبعية الجزيرتين لها في نهاية عهد مبارك...والمفاوضات ماجابتش نتيجة..
فالسعودية أعلنت لنفسها حدود بحرية تشمل الجزيرتين..ومصر ردا على ده برضه فى نهاية عهد مبارك أودعت في الأمم المتحدة ما يفيد انها مش معترفة بتبعية الجزيرتين للسعودية وان الموضوع مازال محل تفاوض..

8- الجزيرتين مرتبطين ارتباط لصيق ببناء جسر بري بين مصر والسعودية..والجسر المزمع لازم يمر فوق الجزيرتين..

9- أول ما اتفتح كلام عن جسر بين مصر والسعودية كان فى عهد مبارك..ومبارك جت له تعليمات من اسرائيل يطلع الموضوع ده من دماغه خالص..لأنه مرفوض مرفوض مرفوض..وبالفعل كفى مبارك على الخبر ماجور...

10- الرئيس الشرعي لمصر...د. محمد مرسي فتح الكلام في موضوع الجسر تاني..وقال انه مصمم يمضى فيه قدما..وجاء الرد الإسرائيلي ان بناء جسر بري بين مصر والسعودية يعنى بالنسبة لإسرائيل إعلان حرب..

11- تم اليوم ترسيم الحدود البحرية بين مصر والسعودية..وده مؤكد ومعلن رسمياً..
تم فى نفس اليوم الإعلان عن قرار البدء فى بناء الجسر البري بين مصر والسعودية..وده مؤكد ومعلن رسمياً..

12- اللى مش مؤكد حتى الآن...ايه اللى تم النهارده بخصوص جزيرتى تيران وصنافير..اللى هم بالطبع الهدف الأساسى من ترسيم الحدود البحرية..
لكن كل المؤشرات تدل على ان الترسيم تم وفقاً لما تريده السعودية...
فيه كلام عن بيع الجزيرتين للسعودية..
فيه كلام عن تنازل للسعودية مع نسبة لمصر من اى موارد نفطية..
فيه كلام عن ملكية سعودية وتأمين مصري للجزيرتين بمقابل مادي ونسبة من الموارد النفطية معا..
الإغداق السعودي بالمال في الزيارة الحالية للملك سلمان يدل بالطبع..ان فيه تنازل مصرى مهم فى مقابل ده..
الإعلام السيساوى عمال يروج ان الجزيرتين من حق السعودية...
الموضوع مش مفاجىء النهارده..انما فيه مفاوضات شغالة من 3 شهور..ويقال ان انتهاء المفاوضات بنجاح إلى اتفاق هو الهدف الأصلى من زيارة الملك سلمان..

13- الأهم من كل المعلومات أعلاه...ان الإتفاق ده يستحيل يحصل بدون مقابل مغري جداً لإسرائيل..اللى أجبرت كنزها الإستراتيجي مبارك انه يقفل على مشروع الجسر البري..وهددت مرسي بحرب لما قال انه هايعمل الجسر البري..
والنهارده بيتم الإعلان عن الجسر البري بمنتهى الثقة والأريحية والإطمئنان بدون أى اعتراض اسرائيلي..
فى نفس اليوم اللى بتتنازل فيه مصر للسعودية عن الجزيرتين اللى اسرائيل بتعتبرهم رقبتها واللى ممكن تتخنق لو 3 عساكر ببنادقهم سيطروا عليهم..
هل هاتاخد اسرائيل البترول والغاز اللى حوالين الجزيرتين وده نصيبها من الإتفاق ؟
هل هاتحل قوات أمريكية محل قوات حفظ السلام وده يبقى ضمان أمن إسرائيل ؟
هل هاتحرس السفن الإسرائيلية بنفسها المضيق ؟
الإجابة على كل الأسئلة دى محتاجة بلد برلمانها مايكونش من صناعة مخابرات زعيم إنقلاب...
_____________
المصادر:
_____________
http://almogaz.com/news/politics/2013/01/10/665845

http://www.globalsecurity.org/mil…/facility/tiran-island.htm

http://www.cairoportal.com/…/%D8%B5%D8%AD%D9%8A%D9%81%D8%A9…

http://www.vetogate.com/2131996

https://www.youtube.com/watch?v=AM4DJuVVpL0

http://www.almowaten.net/…/%D9%87%D9%86%D8%A7-%D8%AA%D9%81…/

https://nasrmajali.wordpress.com/…/%D8%AC%D8%B2%D8%B1-%D8%…/

http://www.almjhar.com/…/%D8%AC%D8%B2%D9%8A%D8%B1%D8%AA%D9%…

https://ar.wikipedia.org/…/%D8%AA%D9%8A%D8%B1%D8%A7%D9%86_(…

https://ar.wikipedia.org/…/%D8%AC%D8%B2%D9%8A%D8%B1%D8%A9_%…

• 

نرحب دائماً بالنقاشات المجدية والتعليقات التي تغني موضوعاتها ،
أنشر الموضوع ليعلم الناس الحقائق وكن أنت الآعلام البديل