تعليقكم يهمنا لو سمحتم
الشهيد خالد بن الوليد .. أيوه اسمه الحقيقي في البطاقة كده " خالد بن الوليد" كل اللي كان مقيم في رابعة تقريبا يعرفه .. كانوا مسميينه مدير أمن رابعة لأن كل البلطجية او الحرامية اللي اتمسكوا في رابعة تقريبا كان هو اللي ماسكهم .. كان بينزل كل يوم بعد الفجر يصطاد فيهم وسبحان الله عمره ما غلط في واحد اللي كان بيقول عليه مخبر كان يبيبقى مخبر واللي كان بيقول عليه حرامي بيكون حرامي .. خالد كان أسد بمعنى الكلمة إسم على مسمى .. كان مستعد في أي لحظة للموت وكان بيتكلم عنه كتير جدا .. في اشتاكات مسيرة وزارة الأوقاف اللي كانت قبل استشهاده بيوم كان بطل فعلا .. كان بيجري كل البلطجية قدامه وهو لوحده .. رغم انه كان شديد بس كان أطيب واحد وأرجل واحد ممكن تقابله في حياتك .. أي طلب تطلبه منه سواء كان يقدر عليه او لا كان بيعمل كل حاجة عشان ينفذه حتى لو ميعرفكش
كان محافظ على صلاته وكان دايما يحثنا عليها .. كان بيتكلم عن الشهادة كتييير جدا واستشهد يوم الفض الصبح برصاصة في الرقبة واتنين في الضهر .. فعلا ينطبق عليه القول " رجال صدقوا الله فصدقهم الله "
______________________
mohee
ليست هناك تعليقات:
إرسال تعليق